Sobre Cal3

Desde que en 1976 abríu as portas, Cal3 Fotografía é unha referencia en Redondela e comarca. Un exemplo de continuidade son as catro xeracións vinculadas á fotografía que fan da tradición familiar unha marca de calidade. Fotógrafos da Vila, pero tamén veciños, nun lugar de encontro e relación con quen nos visita. Profesionais na actividade diaria, pero formándonos sempre coas mellores ferramentas para ofrecer o mellor servizo. Colaborando na contorna, facendo exposicións, impartindo obradoiros ou asesorando as persoas interesadas na fotografía.

Desde 2017 formamos unha cooperativa de traballo asociado e incorporamos como nova liña de servizo a produción audiovisual. Os nosos traballos recollen a experiencia e a creatividade a partir das propostas e necesidades dos clientes. Facemos a narración en imaxe das historias que nos propoñan tanto as empresas como as persoas que teñen un produto, un motivo de celebración para recordar . Temos o pracer e a sorte de gozar co noso traballo.